ياظالم (بقلمي)

من طرف **Aym@n avatar** الأحد يناير 22, 2012 9:36 pm

السلام عليكم ورحمة الله وبركاته

مرحبا بكم

ياظالم قصيدة عاميه بقلمي

.....

ياظالم كفايه سطو وجلد فى عقولنا

نهبت خير البلد وجردت في حقولنا

طفيت نور عالم بيشع مستقبل

وهدمت انجاز ماضي وضميرك بيستقبل

وسرقت حلم الحاضر من عاقل ومن أهبل

ضللت البسيط باعلام باغي بيضلِل

وعاقبت الفكر بجلاد كرباجه جوانا يتسلِل

كتير شايفين فسادك بينادو بعلو الصوت

اسقاطك لابد منه كفايه طاعه وسكوت

تطلع عليهم كلابك بالفلكه والنبوت

وبنت مصر اترمت عالرصيف قالو عليها عاهره

والعاهره المخلصه على سعادة جنابك ساهره

مين هيعرف الحق وحاشيتك ذئاب فى النفاق ماهره

وأطفال البلد عقولهم نور وقلبهم صافي

شردتهم وجعلت منهم بلطجي وحافي

اسقاطك لابد منه ولو هننزف بحور دم

الدم مابيوجعنا الوجع ظلمك ملانا غم وهم

رحيلك لابد منه كفايه كدا سُكات

الأمل فيك انتهى قطرك عدى وفات

وطبيب النفوس قال ضميرك خلاص مات

كتبتلك بعض ماعَندي استوعب مني تمام

تعالا يااحمد ومينا وانتى يانواره وتعالا ياهمام

نصرخ بكلمة حق حثنا عليها دين النصرانيه والاسلام

نلحق البلد اللي جعل أمجادها تراب ورُكــام

نخرج عليه بـجملة تعبر عن كل الكلام

ونقولها في صوت واحد.. الشعب يريد اسقاط النظام

----------

بقلمي : أيمن

يارب تكون عجبتكم
رجاء ذكر المصدر عند النقل
خالص تحياتي