متقوليش ارفع راسك فوق ..لاء خليهامدلدله.

[ندعوك للتسجيل في المنتدى أو التعريف بنفسك لمعاينة هذه الصورة]
!! يسمونه مصرى فى تهامه السعودية

يافضيحت المصريين قدام اجناس الارض كلها .. لا تقولي ارفع راسك فوق .. خليها مدلدله على طول ياعم سيبك من الاونطه دى .. قال ارفع راسك فوق انت مصرى .. اه انت مصرى مختوم على قفاك وبمزاجك كمان مش غصب عنك .. اللى قاله خيرى رمضان فى برنامج (ممكن) النهارده 13/11 علي قناة cbc.. عن الحج واللى حصل للمصريين فيه .. تفسيره حاجه من الاتنين .. اما الدولة المصرية ممثله فى المجلس العسكرى والحكومه الحاليه قاصده ان تهين شعبها امام انظار العالم كله .. فالحج يأتي اليه شعوب الارض كلها من كل جنس ونوع ولون .. وانه الوحيد من دون العالم دا يتهان وينضرب على دماغ امه هو الحاج المصرى يبقى تفسيره ان القائمين على الدوله اما قاصدين انهم يوروا العالم كله بان المواطن المصرى مهان حتى فى اكبر شعيره وهي شعيرة الحج .. ومهان داخل بلده .. والتفسير التاني ان مازال مصر يسيطر عليها الفلول وفى كل اجهزته ويريدون ان يردوا الجميل للمخلوع والمخلوعه فاتت اليهم الفرصه على طبق من ذهب .. فقاموا باهانة المواطن المصرى اى الحاج المصرى امام شعوب الارض كلها .. اذا لا تقولي ارفع راسك فوق انت مصرى .. ولا نيله منيله بستين طين .. الاول نشوف كرامتنا المبعزقه فى بلدنا الاول .. لوحصلنا على كرامتنا فى بلدنا الاول ح يحترمونا فى اى مكان نروح فيه ولو بلاد الواق واق .. احنا مازلنا متهانيين فى بلدنا .. فافاقد الشىء لا يعطيه .. ياعم نقفل على نفسينا كمان سنه .. ونشوف المواطن اللى بيدفع فلوس علشان يتهان .. يتهان ليه فى بلده ولا بره بلده .. ياعم بلاها عمره ..وبلاها حج لمدة سنه .. نجلس نتكلم مع بعض ونشوف ازاى نحترم نفسينا جوا بلدنا الاول ويبقى المواطن المصرى اى كان موقعه او وظيفته يكون متساوى فى الحقوق والواجبات .. لا ماليزيا احسن مننا .. ولا كوريا الجنوبية اللى بيكلوا الكلاب زينا .. ولا النمور الاسيوية دى احسن مننا فى شىء ... غير انهم احترموا ذاتهم اولا فى بلادهم .. فخرجوا للعالم كله محترمين .. فاحترمهم العالم ... اذا مايطلعش لي ميت لسان يقولي انت عايز تساوى مين بيمين .. عايز تساوى البشوات اللى واكلينها مولعه بمواطن اجرى عايش بالكاد على رزق يوم بيومه .. ولا القضاه .. يالهوتـــــى على القضاه اللى فاضل يأمروا الشعب المصرى يقوم الصبح يصلي ليهم ركعتين على الريق .. ولا الشرطه ولا اى منصب فى الدوله يتساوى مع الراجل الاجرى اللى شغال برزق يوم بيوم يعنى من الاخر فوعلي .. ح اقولك اه .. اه يتساوى .. ح تقولي ح تبقى بزرميطه ... لان تفكير اللى بيفكر فى البزرميطه // ماشافش الناس عايشه خارج ارضه ازاى .. // عايش لوحده فى عالمه ..عايز يأمر فيطاع .. عايز يهبر وينتش ويقولك حقى .. عايز ناس تعيش عبيد .. وناس تعيش اسياد ..// والثورة دى قامت من اجل العبيد .. لن يكون فى مصر عبيد بعد الثورة .. لانعيش كلنا عبيد لهذا البلد بعد الله ..لاما نعيش كلنا اسياد بعد سيادة الله على خلقه .. انقهرت بصراحه من اللىشوفته واللى سمعته .. حتى فى الحج فيه عبيد واسياد .. يا الله .. يامثبت العقل والدين يارب ..